Hér getur þú fundið hagnýtar upplýsingar um Fyrirtækjaboðhlaup BYKO í Kópavogi 2020
Skráning opnar 2. apríl og er opin fram til 25. júní, svo lengi sem það er ennþá laust í hlaupið.
Hvar og hvenær

Fyrirtækjaboðhlaup BYKO 2020 fer fram í Kópavogi föstudaginn 26. júní. Tekið er á móti þátttakendum við Fífuna en hlaupið sjálft fer fram í Kópavogsdalnum.

Verð

Þátttökugjald er 18.000 þúsund krónur á lið í boðhlaupið eða gönguna. Innifalið í skráningargjaldinu er aðgangur að tjaldi sem fyrirtækið/starfsmenn geta gert sér glaðan dag. Reglan er þó að fyrstir koma fyrstir fá því um er að ræða svokölluð sameiginleg tjöld þar sem allir hafa aðgang að. Borð og stólar eru í flestum tjöldunum þar sem þátttakendur geta sest niður, snætt mat, spjallað saman og átt góða stund.

Hlaupaleið og vegalengd

Í Fyrirtækjaboðhlaupi BYKO er hægt að velja á milli þess að taka þátt í boðhlaupinu eða skemmtigöngunni.

Ef valið er boðhlaup þá hleypur hver liðsmaður 4 km langa leið, þ.e. allir hlaup 4 km en aðeins einn í einu. Þátttakendur hlaupa með boðhlaupskefli sem þarf að afhenda næsta hlaupara áður en hann leggur af stað sína 4 km.

Í skemmtigöngunni ganga allir 4 þátttakendurnir saman í fylkingu 4 km hring og koma saman í mark með bros á vör. Gönguleiðin er að hluta til aðskilin frá boðhlaupinu.. 

Meðfram báðum leiðum er mikil skemmtun og tónlist til að hvetja þátttakendur áfram.

Hér er hægt að nálgast yfirlitsmynd af keppnissvæði og hlaupa-/gönguleiðum

Rástímar

Boðhlaupið er ræst út kl.18:00 en þá fer út fyrsti hópur af fjórum. Sá sem fer næstur (nr.2) af stað í sínu liði tekur sér stöðu á skiptisvæðinu og tekur á móti boðhlaupskeflinu þar.

Göngugarparnir eru ræstir út hver á eftir öðrum í minni hópum á bilinu 18:30 til 18:45. Allir fjórir þátttakendur hvers liðs eru ræstir út saman, ganga saman og koma saman í mark.

Þátttökugögn – hlaupanúmer, flaga og boðkefli

Öll hlaupa- og göngunúmer er hægt að nálgast í Smáralind vikuna fyrir hlaup, þ.e.  22. júní til fimmtudagsins 25. júní á opnunartíma Smáralindar.
Einnig verður hægt að nálgast þátttökugöng á hlaupadag í upplýsingamiðstöð á keppnisstað frá kl.12:00.

Boðhlaupskeflið

Keflið sem hlaupið er með, í hendinni, er pappi sem rúllað er upp og hann límdur saman. Sá sem hleypur/einn úr gönguhópnum þarf ávallt að vera með keflið frá upphafi til enda hlaupsins/göngunnar.

Boðhlaupskeflið inniheldur flögu sem notuð er við tímatöku og skráir bæði samanlagðan tíma liðsins og hlaupatíma einstaklinga.

Hérna má sjá hvernig boðhlaupskeflið rúllast rét upp svo það sé tilbúið til notkunar

Tímataka

Heildartími hlaupa-/gönguhóps er skráður ásamt einstaklingstíma í hlaupi. Tímatökuflagan er staðsett í boðhlaupskeflinu sem fylgir hverjum hlaupara/gönguhópi frá rásmarki til marks.

Heildartími: Samanlagður tími frá fyrsta hlaupara sem fer í gegnum rásmarkið til þess síðasta sem fer í gegnum markið. Tími á skiptisvæði er skráður með í heildartíma.

Einstaklingstími: Tíminn frá því að hlaupari fer í gegnum rásmarkið þangað til að hann fer í gegnum markið. Tími á skiptisvæði er ekki skráður hér.

Hlaupanúmer

Allir þátttakendur í boðhlaupi og göngu verða að staðsetja hlaupanúmerið sitt á brjóstkassann svo að brautarverðir geti leiðbeint þátttakendum í rétta átt þegar brautir skarast eða liggja í sitthvora áttina.

ATH! Hlaupanúmer eru fest með lími og því fylgja engar nælur með númerunum.

Það er mikilvægt að hlaupanúmer þátttakenda sé rétt og passi við þann hlaupalegg sem hlaupið er. Dæmi um hlaupanúmer: 323-1 = Hlaupanúmerið er fyrstu þrír tölustafirnir en svo kemur 1 sem merkir hlauparöð.

Göngunúmer eru sérstaklega merkt með G og svo númeri, G-323.

Ef hlaupari ætlar að hlaupa fleiri leggi en einn þá er mikilvægt að hann festi öll hlaupanúmer á sig fyrir hlaupið.

Skiptisvæði

Skiptisvæði er það svæði sem allir hlauparar byrja og enda. Þar skiptast hlauparar á boðkeflum, hlaupari nr.1 afhendir hlaupara nr.2 og svo framvegis. Hlauparar mega koma inn á skiptisvæðið þegar einn leggur er í þeirra hlaup.

Skiptisvæðið er eitt stórt svæði þar sem hlauparar hlaupa inn á og reyna að finna sinn liðsmann.

Sjá leiðarlýsingu hér

Skráningarsvæði liðs

Sá einstaklingur sem skráir lið til leiks fær sendar aðgangsupplýsingar í tölvupósti á skráningarsvæði liðsins. Á skráningarsvæðinu er hægt að breyta eða bæta við upplýsingum um liðið – bæði fyrir og eftir keppnina. Til dæmis er hægt að breyta nafni liðsins, keppendum og í hvaða röð þeir hlaupa ásamt því í hvaða flokki liðið keppir (blönduðum, karla eða kvenna flokki)

Einnig er hægt að breyta úr göngu í boðhlaup og öfugt til 25. júní.

Þátttökuflokkur/liðsflokkur

Allir þátttakendur/lið tilnefna flokk í skráningunni – annað hvort 4 karla, 4 konur eða blandað lið karla og kvenna..

Ef hlutföllin í liðinu breytast á einhverjum tímapunkti þá er hægt að fara inn á skráningarsvæði liðsins og breyta keppnisflokknum þar.

Tjöld og veitingasvæði

Á keppnissvæðinu eru tjöld sem þátttakendur og fyrirtæki geta notað og átt góða stund saman á meðan á viðburði stendur. Veitingasvæði er á keppnissvæðinu og þar verður boðið upp á fjölbreyttan og góðan mat.

Umhverfið og sorp

Þessi viðburður reynir eftir fremsta megni að vera eins umhverfisvænn og hægt er hverju sinni. Markmiðið er að sífellt bæta sig ár frá ári. Við hvetjum þátttakendur og fyrirtækin til að nota tilgreindar ruslafötur á svæðinu og huga að umhverfisvitund sinni á keppnisstað.

Svona getur þú hjálpað:

  • Forðastu að nota einnota plast
  • Taktu upp rusl eftir þig og settu það í ruslatunnurnar á svæðinu, en þær eru víðsvegar.
  • Flokkaðu pappa og plast í sundur og komdu fyrir í þar tilgreindum ruslafötum.
  • TAKK fyrir að hjálpa okkur að hjálpa umhverfinu.
Bílastæði og almenningssamgöngur

Í kringum Fífuna er nóg af bílastæðum en þegar um er að ræða stóran viðburð þá getur reynst skynsamlegt að koma hjólandi eða með strætó á svæðið. Við hvetjum sem flesta til að huga að þessu áður en lagt er af stað og best væri ef vinnustaðurinn sammælist um hvaða fararskjót skal notast við.

Hér er hægt að sjá yfirlitsmynd af svæðinu og hvar bílastæði er að fá í næsta nágrenni.

Framkvæmdaraðili mótsins ber ekki ábyrgð á þeim umferðarlagabrotum sem eiga sér stað þegar ökutæki er lagt ólöglega. Eigendur ökutækjanna bera alfarið þá ábyrgð sjálfir.

Hjól, barnavagnar og fleira

Það er því miður ekki leyfilegt að vera með barnavagna, hjól, hunda eða eitthvað álíka, hvorki í boðhlaupinu né göngunni sjálfri á meðan mótinu stendur.

Liðsmynd

Öll lið geta fengið fría liðsmynd við myndavegginn. Myndavegginn verður að finna nálægt rásmarki/skiptisvæði. Opið verður frá kl.17:00 á keppnisdegi til kl.21:00.

Skipuleggjandi og framkvæmdaraðili

Fyrirtækjaboðhlaup BYKO er skipulagt af Ungmennasambandi Kjalarnesþings (UMSK) en sambandið er ekki rekið í hagnaðarskyni. BYKO er aðalstyrktaraðili viðburðarins.

Markmið UMSK og BYKO er að byggja upp skemmtilegan viðburð fyrir fyrirtæki landsins þar sem aðaláherslan er á hreyfingu og að fyrirtæki geti gert sér dagamun í sameiningu.